“Unë ju bëra një dhuratë speciale për t’ju ndihmuar të merrni një vendim”.
53 vjeçarja Pascal Ferrier është gruaja e cila akuzohet për dërgimin e një zarfi me helm në Shtëpinë e Bardhë, në adresim të Presidentit të SHBA-së, Donald Trump.
“Unë ju bëra një dhuratë speciale për t’ju ndihmuar të merrni një vendim. Kjo dhuratë gjendet në këtë letër”, shkruante programuesja kompjuterike në letrën drejtuar Trump.
“Nëse nuk do të japë efekt për ju, unë do të gjej një recetë më të mirë me një helm tjetër, ose mund të përdor armën time kur të jem në gjendje të vij “, shkruhej në letër.
Nga FBI u zbulua se gjashtë letra të tjera të ngjashme mesa duket janë dërguar në Teksas në shtator me vula nga Kanadaja, ku edhe vetë e akuzuara është nga po ky vend.
Mbi Ferrier rendon akuza “kërcënim ndaj presidentit amerikan”. Ru. Do/ Fjala.al
