Akademiku i njohur Artan Fuga ka reaguar nëpërmjet një postimi në ‘Facebook’ lidhur me situatën politike në vend dhe diskutime që bëhen për listat e hapura 100%.
Fuga e quan këtë situatë një “furtunë të kotë” pasi asnjë prej partive nuk i do listat e hapura, përndryshe kjo do të ishte zgjidhur.
Sipas tij askush nga lidershipet e sotme në politikë nuk e pranon këtë fakt pasi kanë monopolizuar qeverisjen.
“Monopolet janë kudo, në ekonomi, tregti, emërime, administratë, por edhe në politikë, në kolltuqet e deputetëve, madje disa kanë monopolizuar edhe segmente të opozitës!” shkruan Fuga.
Postimi i plotë
Një furtunë e kotë :
lista të hapura dhe lista të mbyllura!
Sepse askush nuk i do listat e hapura!
Kollaj zgjidhja përndryshe!
Cila parti dëshiron shkon në zgjedhje me listë të hapur, kush nuk do shkon me të mbyllur.
Kaq e thjeshtë është ndërkohë vijnë kot vërdallë!
Kanë tmerr nga listat vertetë të hapura! Lista është e hapur vërtetë kur partia merr aq vota sa marrin kandididatët e saj në listë.
Kush e pranon këtë nga lidershipet e sotme politike?
Askush!
Sepse lidershipet politike kanë monopolizuar qeverisjen! Ndryshe nuk shpjegohet!
Monopolet janë kudo, në ekonomi, tregti, emërime, administratë, por edhe në politikë, në kolltuqet e deputetëve, madje disa kanë monopolizuar edhe segmente të opozitës!
