Reuters raporton se kancelarja gjermane Angela Merkel ka dhënë paralajmërimin se Gjermania do të përballet me disa muaj të vështirë për shkak të koronavirusit.
“Gjermania deri më tani ka kaluar pandeminë relativisht mirë falë sjelljes jashtëzakonisht të përgjegjshme të qytetarëve në muajt e fundit, por tani që vjeshta është në prag , një fazë e vështirë është përpara dhde ne duhet tӕ përballemi me të”, i është drejtuar Merkel parlamentit gjerman.
Gjermania raportoi 1.798 raste të reja me koronavirus të mërkurën, treguan të dhënat e Institutit për sëmundjet infektive, Robert Koch.
Merkeli kërkoi të fuqizohen masat kundër pandemisë.
Kufizimet synojnë të shmangin “me çdo kusht” një izolim mbarëkombëtar, tha Merkel, duke shtuar se mbajtja e ekonomisë është një përparësi.
Numri i përgjithshëm i të infektuarve në Gjermani ka arritur në mbi 280 mijë ndërsa mbi 9 mijë persona kanë vdekur.
Ndër masat që parashohin autoritetet gjermane është kufizimi i numrit të personave në tubimet private dhe publike. Ru. Do/ Fjala.al
