Mbrojtësi që u largua të hënën nga Kukësi gjen destinacionin e ri vetëm 24 orë më pas.
Kështu, ka zgjatur më pak se 24 orë pritja dhe një nga të larguarit e ditëve të fundit nga Kukësi, Emiljano Musta, ka gjetur një destinacion të të ri, që për të është i 7-ti në karrierë. Ai ka zgjedhur të luajë për ngjyrat bardhezi të Laçit dhe ka qenë vetë klubi kurbinas ai që e ka zyrtarizuar një gjë të tillë të martën në mbrëmje.
“Emiljano Musta është afrimi i radhës”, – shkruhet në një postim të klubit të Laçit në profilet zyrtare në rrjetet sociale.
”Mbrojtësi i majtë vjen nga Kukësi dhe në të shkuarën ka qenë pjesë e Elbasanit, Shkumbinit, Partizanit, Teutës dhe Flamurtarit”, – vijon postimi i shkurtër, që i uron Mustës suksese me fanellën bardhezi. Në fakt, një lëvizje e tillë, ishte paralajmëruar gjatë orëve të fundit.
Dhe tanimë 28-vjeçari është lojtari më i ri i Laçit. Mesfushori u largua nga Kukësi, por ka vendosur të qëndrojë në Kategorinë Superiore.
Klubi i Laçit e ka prezantuar futbollistin ditën e sotme dhe ai pritet të përforcojnë edhe më tepër ekipin e trajnerit Armando Cungu në sezonin e ri. Elbasanasi ka arritur marrëveshjen dhe të martën në mbrëmje është prezantuar tek kurbinasit.
Kujtojmë se Musta para pak kohësh rinovoi kontratën me Kukësin, por ditën e hënën palët njoftuan mbylljen e bashkëpunimit dhe tashmë ai do të jetë një kundërshtar i skuadrës së trajnerit Skënder Gega në kampionat./Bl.Ba/Fjala.al
