Një sherr i rëndë ka ndodhur në qytetin e Krujës ku si pasojë kanë mbetur të plagosur 2 persona.
Në këtë sherr i cili ka ndodhur për motive ende të paqarta, janë përfshirë at e bir të cilët kanë goditur me sende të forta dy persona, F.B., 53 vjeç dhe A.B. 22 vjeç.
Dy të plagosurit janë dërguar menjëherë në spital dhe janë nën kujdesin e mjekëve për plagët e marra, ndërkohë që policia ka arrestuar në flagrancë një 57-vjeçar si autor të ngjarjes dhe ka shpallur në kërkim djalin e tij.
Këta shtetas dyshohet se pas një konflikti të çastit, në bashkëpunim me njëri tjetrin kanë goditur me një send të fortë, në pjesë të ndryshme të trupit dy persona të tjerë.
Materialet i kaluan Prokurorisë së Rrethit Gjyqësor Krujë, për veprime të mëtejshme. /Ra.My.Fjala.al/
