Tashmë nuk ka më dyshime. Federico Chiesa do të jetë blerja më e re e Juventusit. Duket se ajo që e pengonte këtë transferim ishte vetëm largimi i Douglas Costa-s që ndodhi ditën e djeshme falë Bayernit. Chiesa përfundoi vizitat mjekësore dhe tani do të niset drejt grumbullimit të kombëtares, e më pas do t’i bashkohet “Zonjës së Vjetër”. Teksa ekzaminimet mjekësore kanë mbaruar, tani pritet vetëm njoftimi zyrtar nga kampionët italianë. Së shpejti komunikata. Marrëveshja u arrit në orën e fundit, por për 55 milion midis huasë dy-vjeçare (10 mln), blerjes dhe bonusit
Pra, hua dyvjeçare e rëndë (2 milion në vitin e parë, 8 në të dytin) dhe një blerje prej 40 milion euro që do të bëhet një detyrim me përmbushjen e njërit prej tre kushteve të mëposhtme në dy vitet e huazimit të lojtarit: vendosja e Juventusit në top 4 në Serie A, arritja e 60% të paraqitjeve totale (me lojtarin në fushë për të paktën 30 minuta) ose duke arritur 10 gola dhe 10 asist. Këtyre shifrave duhet të shtohen edhe 10 milion shpërblime shtesë.
Pa.Va/Fjala.al
