Filmi i dashur i Disney, ‘The Fox and the Hound’ duket se është kthyer në realitet ku një bulldog dhe një dhelpër janë bërë miq të mirë.
Pauline Ashanolla, 28-vjeç një natë votë të prillit u telefonua nga dy miq të saj të cilët duke e ditur dashurinë e saj për kafshët i thonë se kishin gjetur një këlysh dhelpre e cila kishte nevojë për ndihmë pasi ishte shumë e dobët, e vetme dhe e frikësuar.
Pauline që prej momentit kur mori në përkujdesje dhelprën, të cilën e quajti Marley, u kujdes shumë për të në mënyrë që të merrte veten. Gjatë kësaj kohe 28-vjeçarja ka vënë re një miqësi të veçantë mes qenit të saj bulldog dhe Marley. Ata luajnë me njëri-tjetrin gjatë gjithë ditës, flenë së bashku çdo natë dhe shëtisin së bashku.
Pauline shprehet për mediat e huaja se dhelpra ishte aq e dobët kur e gjetën, sa mund të mbahej me një pëllëmbë dore. Për gjashtë javë vajzës iu desh ta ushqente me qumësht të cilin ja jepte me shiringë çdo 90 minuta gjatë ditës dhe natës.
Kur ajo e çoi dhelprën për herë të parë në shtëpi ajo ishte e shqetësuar nëse qeni i saj do të përshtatej me Marley, por me kalimin e kohës ata filluan të flinin së bashku.
‘Përralla’ e dy kafshëve është aq e adhurueshme dhe ka ngjashmëri të jashtëzakonshme me atë të filmit vizatimor të Disney, të 1981./Re.Gu/Fjala.al
