Kuvendi do të mblidhet ditën e nesërme në orën 16:00 dhe seanca plenare do të fillojë me fjalimin e Komisionerit Evropian për Zgjerimin, Oliver Varhelyi.
Në njoftimin e tij për mediat, Kuvendi bën me dije se Varhelyi do të mbajë një fjalim 30 minutësh dhe më pas seanca plenare do të vazhdojë normalisht me çështjet e tjera të parashikuara në rendin e ditës.
NJOFTIMI NGA KUVENDI
Njoftim për media
Të nderuar kolegë,
ju njoftoj se seanca plenare e Kuvendit të Shqipërisë do të zhvillohen ditën e mërkurë, datë 07.10.2020, ora 16:00. (Urdhër nr. 49, datë 06.10.2020, i Kryetarit të Kuvendit, z. Gramoz Ruçi.)
Seanca plenare do të fillojë me fjalën përshëndetëse të Komisionerit të Zgjerimit, z.
Olivér Várhelyi, ora 16:00-16:30.
Pastaj do të vazhdojë me çështjet e tjera në rendin e ditës.
Procedurat e transmetimit do të jenë të njëjtat me ato të seancës së datës 5 tetor: makinat do të hyjnë dhe sinjalin do ta marrin nga RTSH.
Ju lutem, kujdesuni që të jenë vetëm makinat që janë të akreditura.
Gazetarët dhe kamerat nuk do të hyjnë në sallë, por do të lejohen vetëm në oborrin e Sallës së Seancave Plenare, në vendin e caktuar për shtypin.
Duke ju falenderuar për mirëkuptimin, mund të më shkruani për çdo nevojë për mbështetje apo sqarim.
Faleminderit!
