Etrit Berisha është rikthimi i madh në organikën e Edy Rejas për sfidat përballë Lituanisë dhe Kazakistanit. Shtatlarti i cili aktivizohet me skuadrën e SPAL në Serie B ishte një nga mungesat e Kombëtares për këto dy sfida, por mesa duket klubi italian e ka lejuar gardianin e portës kuqezi të bashkohet me përfaqësuesen.
Ky është një lajm shumë i mirë për trajnerin Reja duke parë që edhe Thomas Strakosha ka shfaqur probleme fizike pas sfidës me Interin në Serie A. Alban Hoxha i Partizanit ishte favorit kryesor për të mbrojtur portën e Shqipërisë, por me rikthimin e Berishës Reja ka një alternativë më shumë dhe më të sigurt duke qënë se Berisha ka edhe me shumë eksperiencë në rang ndërkombëtar.
Pa.Va/Fjala.al
