Në vitin 2002 parlamenti u mblodh në një seancë të posaçme dhe opozita e PD bashkoi votat me mazhorancën socialiste dhe shkarkuan Prokurorin e Përgjithshëm Arben Rakipi. Ishte një përplasje e hapur mes politikës qeverisëse dhe prokurorisë.
Por pas 18 vjetësh Rakipi ka një politikan që e vlerëson shumë. I pyetur nga gazetari Roland Qafoku në emisionin HARD TALK, Rakipi thotë se ka ngelur i kënaqur nga marrëdhënia institucionale me Fatos Nanon.
-A ka ndryshuar brezi i ri i politikanëve?
-Nuk i vëzhgoj, nuk më interesojnë. Me zotin Nano i cili ka qenë kryeministër në kohën kur unë isha Prokuror i Përgjithshëm, kam ngelur shumë i kënaqur nga marrëdhënia institucionale. Ka ditur çështë ligji, çështë prokuroria, dhe ka pasur respekt pafund për pavarësinë, edhe timen. Nuk ka patur asnjëherë tendencë për të ndërhyrë për çështje dhe për rrjedhojë merr për mua pikët maksimale si statist./Fjala.al/Ke.Ba
