Janë 267 prokurorë dhe gjykatës që i janë nënshtruar vetingut dhe nga këta 50 për qind janë larguar. Por a ka mes tyre që janë larguar padrejtësisht? Arben Rakipi e ka mbajtur për pesë vjet detyrën e Prokurorit të Përgjithshëm një pjesë të tyre i ka patur vartës dhe bashkëpunëtorë. Për emisionin HARD TALK NGA ROLAND QAFOKU, Rakipi u shpreh se për kë i vinte keq që ishte larguar nga sistemi.
-Ka emra konkretë që juve iu ka ardhur keq që janë larguar nga sistemi?
-Unë kam boll emra por se di a më lejohet t’i përmend. Ka në prokurori disa persona që të paktën unë në atë kohë i kam konsideruar si nga bashkëpunëtorët e afërt. Marr shembull Arqile Koçën, ka qenë një nga prokurorët dinjitozë të asaj periudhe. Nuk e di çka ndodhur me të në këto vite që unë jam larguar e deri më sot, por nëse është ai Arqile që ka qenë do dukesha i habitur që të ketë pësuar një fat të tillë./Fjala.al/Ke.Ba
