Ka dalë në treg maska më e shtrenjtë në botë. Maska kushton rreth 250 mijë dollar apo 212 mijë euro dhe është e krijuar me diamante.
Maska peshon 157 gramë dhe përbëhet nga ar i bardhë i cili i jep asaj efektin e një cope të vërtetë. Diamantet janë të gërshetuar nëpër copë dhe janë plotë 3.040 diamante që peshojnë 73.27 karat.
Si bazë për ngjitjen e arit dhe diamanteve shërben një maskë e thjeshtë kirurgjikale. Fillimisht maska u mendua të ishte standard, por duke parë se kishte kërkesa të shumta, kompania vendosi që të marri porosi të personalizuara.
Keith Strandberg, menaxheri i markës deklaroi se “Jacob and Co, në filozofinë e saj menaxheriale shpesh ka dashur t’i japë një kuptim tjetër produkteve të përdorimit të përditshëm, që nga kravatat, dorezat, veshjet deri tek të brendshmet. Tani që gjithë bota është e detyruar të mbajë maskë për fytyrën, Arabo ka vendosur t’i shtojë shkëlqim dhe elegancë këtij aksesori që është bërë i domosdoshëm në jetën e përditshme”./Re.Gu/Fjala.al
