Raporti mbi karakteristikat e viktimave të Covid-19, rifreskuar më 4 tetor dhe që tregon se gjatë verës mosha mesatare e vdekjeve është rritur ndjeshëm.
407 pacientë me SARS-CoV-2 të cilët janë nën moshën 50 vjeç kanë gjetur vdekjen nga fillimi i pandemisë e deri tani.
Instituti italian i shëndetesisë bën të ditur se 89 viktima janë nën moshën 40 vjeç nga të cilët, 14 nuk ishin diagnostikuar me patologji të rëndësishme.
Nëse llogarisim që në total janë 36 mijë viktima në vendin fqinjë, atëherë personat pozitive nën 50 vjec që kanë vdekur nga Covid-19 perbëjnë 1% të shifrës totale.
Duke krahasuar karakteristikat e vdekjeve në dy tremujorët mars-maj dhe qershor-gusht 2020, që del nga Raporti ISS, vërehet se në tremujorin e dytë mosha mesatare e vdekjeve rritet pak (nga 77.8 në 81.7 vjet) dhe vdekjet e njerëzve me 3 ose më shumë sëmundje para-ekzistuese, janë dyfishuar.
Terapia me antibiotikë është përdorur zakonisht gjatë shtrimit në spital (86.6% të rasteve), terapi antivirale më pak e përdorur (57.9%) dhe terapi kortikosteroide më rrallë (43.5%). Në 1138 raste (26.3%) janë përdorur të tre terapitë.
Problemet në mushkëri ishin ndërlikimi më i zakonshëm tek pacientët e vdekur (94.7% të rasteve), pasuar nga problemet në veshka (23.2%), superinfektimi (18.2%) dhe problemet në zemër (10.9%)
Sipas raportimeve, mosha mesatare e pacientëve të vdekur dhe Sars-Cov-2 pozitivë është 80 vjeç dhe është mbi 25 vjet më e lartë se personave që morën infeksionin. Ru.Do/ Fjala.al
