Kryeministri Rama është ‘takuar’ virtualisht pasditen e sotme me Kancelaren gjermane Angela Merkel.
Rama është shprehur se ka biseduar me Merkelin për rreth 60 minuta lidhur me kryesimin e suksesshëm që Shqipëria kishte në OSBE, si dhe për progresin e vendit.
“Është një kënaqësi e veçantë biseda me të. Merkel është një mike e shkëlqyer që e kupton rajonin tonë” ka thënë kryeministri.
Rama dhe Kancelarja gjemane Angela Merkel kanë folur për rreth 60 minuta lidhur Planin e Investimeve në vendin tonë dhe për progresin e vendit.
STATUSI NGA EDI RAMA
Me Kancelaren Merkel, biseduam pak më parë për rreth 60 minuta mbi Planin e Madh të Investimeve të Bashkimit Europian për Ballkanin Perëndimor dhe nxitjen e mëtejshme drejt Shengenit Rajonal; progresin e Shqipërisë pas vendimit për çeljen e negociatave dhe përpjekjet në vijim drejt Konferencës së Parë Ndërqeveritare me BE, si edhe kryesimin e suksesshëm të OSBE nga Shqipëria dhe sfidat deri në përmbylljen e mandatit tonë në dhjetor.
Edhe njëherë si gjithnjë, kënaqësi e veçantë biseda me Kancelaren gjermane, një mike e shkëlqyer që e njeh, e kupton dhe e ndjek rajonin tonë e Shqipërinë gjithashtu, me detaje e vëmendje krejt të posaçme!
/Ra.My.Fjala.al/
