“Kosova s’do të marrë asnjë zotim nëse Serbia pranon njohjen Kosovës si shtet i pavarur,” deklaroi sot nga foltorja e Kuvendit, kryeministri i Kosovës Avdulla Hoti.
Gjatë fjalës së tij në Kuvend, Hoti sqaroi se nuk ka dakordim për asgjë për derisa nuk ka pajtim për çdo gjë, për njohje reciproke.
“Në Bruksel bisedohet për elementet gjithëpërfshirëse për njohje reciproke. Çdo dakordim për elemente të marrëveshjes, nuk ka dakordim për asgjë për derisa nuk ka pajtim për çdo gjë, për njohje reciproke. Si në nivel të koordinatorëve dhe nivel të lartë dhe çështja e obligimeve financiare. Kosova nuk ka marrë dhe nuk do të marrë asnjë zotim pa pranuar Serbia njohjen e Kosovës shtet i pavarur” tha ndër të tjera Hoti.
Kujtojmë se bisedimet Kosovë-Serbi tani po zhvillohen në Bruksel për çështjet politike. Ndërsa çështjet ekonomike duket se kanë gjetur zgjidhje në takimin e Uashingtonit, ku kryeministri i Kosovës Avdulla Hoti firmosi marrëveshjen e përbashkët me presidentin e Serbisë Aleksandër Vuçiç në prani të presidentit amerikan Donald Trump.
La.Mi/Fjala.al
