Kryeministri Edi Rama ka replikuar sërish me Presidentin Ilir Meta në lidhje me dhënien e dekoratave.
Përmes një reagimi në rrjetet sociale, Rama u shpreh se kjo është një marrëzi e pashoqe që po e bën Presidentin gazin e botës dhe të republikës sonë.
“Ilir, ti duhet ta kuptosh se nuk ka pasur para teje dhe nuk do ketë pas teje, as principatë, as monarki, as republikë në botë, që të ketë dhënë dekorata për heronjtë e luftrave të shkuara! Kjo është komedia e një marrëzie të pashoqe që të bën gazin e botës dhe të republikës sonë!”, shkruan kryeministri.
Ndër të tjera, Rama i sugjeron Metës se heronjtë duhet t’i mbajë në zemër dhe nuk duhet të shajë si i dehur.
“Heronjtë mbaji në zemër e në mendje kur flet e vepron, duke respektuar detyrën e lartë e duke dhënë shembullin që detyra të imponon, jo duke sharë si i dehur me ata në gojë e duke nxitur dasi, sherr e rrëmuja për interesat e tua krejt personale dhe për partinë tënde të degraduar!”, thekson ai.
Heronjtë mbaji në zemër e në mendje kur flet e vepron, duke respektuar detyrën e lartë e duke dhënë shembullin që detyra të imponon, jo duke sharë si i dehur me ata në gojë e duke nxitur dasi, sherr e rrëmuja për interesat e tua krejt personale dhe për partinë tënde të degraduar!
— Edi Rama (@ediramaal) October 13, 2020
Debati midis tyre ka nisur që prej Asamblesë Kombëtare të Partisë Socialiste, ku kryeministri Rama u shpreh se Meta është i vetmi President që dekoron heronjtë që kanë vdekur para se ai të lindte.
Pa.Va/Fjala.al
