Policia e Durrësit ka arrestuar disa zyrtarë të Autoritetit Rrugor Shqiptar pasi akuzohen se kanë shpërdoruar detyrën.
Ky operacion është ndërmarrë nga policia dhe prokuroria e Durrësit, ndërkohë që ende nuk dihet numri i personave të arrestuar.
Sipas njoftimit zyrtar të Prokurorisë janë arrestuar: Agron Hasa, Kastriot Braha, Aferdita Basha e Dhurata Lazaj si specialiste inxhiniere të ARSH, Spartak Tarkaj, Astrit Zenelaj, Leke Tushaj me cilësinë e drejtorëve të drejtorive të ARSh-së, anëtarë të Keshillit Teknik.
Këta shtetas, të cilët mbajnë detyrat si zyrtarë të Autoritetit Rrugor Shqiptar akuzohen për “Shpërdorim Detyre” dhe “Dhënia e ndihmës për ndërtim të paligjshëm”.
/Ra.My.Fjala.al/
