Kopshti i fshatit Rrëmbec të Maliqit është mbyllur pasi një nga edukatoret ka rezultuar pozitive me Covid-19.
Sipas informacioneve, deri më tani dyshohet edhe për edukatoren tjetër, e cila i është nënshtruar tamponit dhe po pret përgjigje.
Burime bëjnë të ditur se të gjithë stafit u janë bërë testet për të parë nëse ka të tjerë prej tyre pozitiv me Covid-19, ndërsa ambientet e kopshtit janë dezinfektuar.
Kujtojmë se ky nuk është rasti i vetëm ku edukatoret rezultojnë të infektuara, pasi vetëm pak ditë më parë edhe në Tiranë u mbyll kopshti nr.41 pasi drejtoresha, edukatorja dhe një sanitare rezultuan me koronavirus.
Fatmirësisht nuk rezulton i infektuar asnjë prej fëmijëve ndërkohë që institucionet shëndetësore po kryejnë hetimin epidemiologjik, ndërsa kopshti do të qëndrojë i mbyllur për 14 ditë./Bl.Ba/Fjala.al
