Kancelarja Gjermane Angela Merkel i ka kërkuar bashkëqytetarëve të saj të reduktojnë në maksimum kontaktet me njëri-tjetrin dhe të shmangin lëvizjet e panevojshme.
Kjo deklaratë e Merkel-it, vjen pas shifrave rekord të të infektuarve me Covdi-19 gjatë 24 orëve të fundit në Gjermani.
“Hiqni dorë nga çdo udhëtim që nuk është vërtet i nevojshëm, nga çdo festë që nuk është vërtetë e nevojshme. Qëndroni në shtëpitë tuaja sa më shumë të jetë e mundur”, tha Merkel.
Gjermania ka regjistruar ditën e sotme 7 830 raste të reja me Covid-19, shifër kjo rekord që prej fillimit të pandemisë, sipas të dhënave zyrtare të publikuara ditën e sotme.
Merkel ka kujtuar edhe rëndësinë e madhe që ka mbajtja e maskave në parandalimin e përhapjes së Covid-19, dhe ajërosjen e hapsirave të mbyllura. /Ra.My.Fjala.al/
