Vjeshta është një nga katër stinët e bukura të vitit. Karakteristika e stinës së vjeshtës është rënia e gjetheve në tokë nga drunjtë dhe ngjyra karakteristike që marrin bimët.
Po çfarë ndodh me flokët tona në këtë stinë?
Organizmi i njeriut pëson ndryshime të cilat ne duhet të përshtatemi pasi çdo gjë kthehet në normalitet pas njëfarë kohe.
Rënia e flokëve në këtë stinë është e ngjashme me rënien e gjetheve të vdekura të pemëve.
Pra, edhe flokët bien, sepse përsërisin ciklin e tyre të përvitshëm (lindja e një floku të ri, rritja, faza e maturimit dhe vdekja).
Ky cikël është i përhapur tek të gjithë njerëzit, prandaj duhet të jemi ne ata që me anë të një kujdesi të veçantë të reduktojmë rënien dhe të përshpejtojmë rikuperimin e tyre.
Disa nga mënyrat më të mira që çojnë në zgjidhjen problemit tuaj janë maskat natyrale për flokët.
Këto jo vetëm stimulojnë në rritjen e shkëlqimin natyral të flokut tuaj , por parandalojnë rënien e flokëve.
-Shpërlarja me çaj kamomili: Pas larjes, shpëlani flokët me çaj kamomili.
Në një litër ujë të valuar, hidhni katër lugë kamomil të tretur dhe përzieni për 10 minuta.
Kur çaji të ftohet në një temperaturë që është e këndshme për ta përdorur , atëherë shpëlani flokët tuaj .
Po ashtu mund të përdoren edhe hithrat ose rrënjët e hithrave (rrënjët e hithrave kanë 70% më shumë veti dhe lëndë ushqyese se vetë gjethet).
Këtë mënyrë të shpëlarjes duhet ta përdorni deri sa të ndalohet rënia e flokëve./Bl.Ba/Fjala.al
