Gjykata e Shkodrës ka lënë në burg 19-vjeçarin Ilirjan Hasanaj, i cili akuzohet për atentatin e shefit të policisë bashkiake të Malësisë së Madhe
Hasanaj qëlloi me armë në drejtim të makinës ku udhëtonte shefi i policisë bashkiake, Mentor Hasanaj, duke plagosur gjithashtu dhe babain e tij Xhelal Hasanaj. I riu u vetë-dorëzua në polici së bashku me kushëririn e tij 23-vjeçar, Verzan Bajrakurtaj i cili gjithashtu është lënë në burg.
19-vjeçari ka pranuar akuzat para uniformave blu, por sipas tij këtë akt e ka kryer nën ndikimin e alkoolit pa vetëdije të plotë, ndërsa nga ana tjetër ka mohuar përfshirjen e kushëririt të tij në këtë ngjarje.
Megjithëse 19-vjeçari dhe shefi i policisë bashkiake të Malësisë së Madhe kanë të njëjtin mbiemër mes tyre nuk ka asnjë lidhje farefisnore.
Kujtojmë se ngjarja ka ndodhur një javë më parë në rrethrrotullimin e fshatit Dobraç ku 19-vjeçari po ndiqte automjetin ku udhëtonte shefi i policisë së Malësisë së Madhe së bashku me familjen./Re.Gu/Fjala.al
