Tottenham Hotspur është ndalur në një barazim të çmendur me West Ham edhe pse ishte në avantazh 3-0.
Spurs për vetëm 16 minuta në pjesën e parë, arritën të shënonin tre gola, duke i bërë lojtarët e Ëest Hamit të mendonin se ndeshja kishte përfunduar.
Në minutën e parë, Heung-Min Son shënoi golin e avantazhit me një asist të Harry Kane. Pas 7 minutash, ishte Kane ai që shënoi me assist të Son. Kane shënoi edhe golin e tij të dytë personal, pas 8 minutash, me një asist nga Sergio Reguilon.
Në 45 minutat e dyta, West Ham u paraqit me një fytyrë tjetër. Ishte minuta e 82-të kur Fabian Balbuena ngushtoi epërsinë e Spurs për 3-1, ndërsa tre minuta më vonë Davinson Sanchez shënoi auto-gol.
Për të përmbyllur këtë rikthim të çmendur u kujdes Manuel Lanzini që shënoi në minutën e 90+4 për 3-3. Por përpara këtij goli, ishte Bale ai që pati kishte shansin e artë për të mbyllur sfidën por goditja e tij përfundoi jashtë. Ligji i pashkruar i futbollit ndëshkoi Balen dhe Tottenhamin, me sfidën që përfundoi 3-3.
Pa.Va/Fjala.al
