Këngëtari i mirënjohur, Ermal Fejzullahu ka pranuar se dhe ai ka përjetuar gjendjen e panikut.
Në një intervistë për ‘Prive’, këngëtari ka treguar se ndërsa ishte në një dasmë dhe mori mikrofonin për të kënduar, të rrahurat e tij të zemrës u përshpejtuan aq shumë sa u detyrua që të thërrasë djemtë e restorantit për ta ndihmuar që të shkojë në spital.
Ermali tregon se ngjarja ka ndodhur në vitin 2015 dhe kjo ngjarje i ka mbetur gjatë në mendje. Më tej ai tregon se iu desh gjashtë muaj kontrolle dhe ekzaminime që të vërtetohej që ai kishte përjetuar sulme të panikut.
Pavarësisht paragjykimeve të shumta për shëndetin mendor, ai shprehet se probleme të tilla duhet të vihen në pah dhe të kurohen, pasi janë gjëra mëse normale dhe çdo kush i kalon të paktën një herë në jetë./Re.Gu/Fjala.al
