Një 11-vjeçar nga Luiziana, Shtetet e Bashkuara, vodhi autobusin e shkollës dhe iu shmang makinave të policisë për 45 minuta nëpër rrugët e qytetit.
Djali 11-vjeçar i paidentifikuar, i hipi autobusit të shkollës të dielën e kaluar dhe më pas u largua duke hipur nëpër trotuare dhe duke mos respektuar rregullat e qarkullimit ndërsa ky ishte momenti kur policia e vuri re të miturin.
Policët kanë deklaruar se ai goditi 3 automjete gjatë rrugës dhe dëmtoi shumë prona private por fatmirësisht askush nuk u lëndua. Aventura e 11-vjeçarit ka zgjatur 45 minuta rrugëve të qytetit ku i largohej policisë deri në momentin që u përplas me një pemë.
Siç shihet dhe nga fotot të publikuara nga mediat e huaja i mituri është vënë në pranga, e ndërsa ndaj tij rëndojnë akuzat e vjedhjes së automjetit, shpejtësi tej normave të lejuara dhe dëmtim i pronës.
Ndërkohë është ende e paqartë se si ai arriti të siguronte çelësat e automjetit, e për më tepër kur shkollat janë të mbyllura në fundjavë. E sigurisht që jemi tepër kurioz se si vetëm 11-vjeç mundi të arrinte pedalet dhe të sillte policinë vërdallë për gati një orë./Re.Gu/Fjala.al
