Bashkëkryetari i Këshillit Politik të Reformës Zgjedhore Damian Gjiknuri shpjegon mënyrën se si do votohet më 25 prill 2021. Në emisionin HARD TALK NGA ROLAND QAFOKU Gjiknuri tregoi hapat dhe detajet se si do procedohet nga votuesit.
-Si do bëhet votimi?
-Në fletën e votimit do ketë listat e partive, renditjen e partive dhe në krahun tjetër të fletës së votimit do jetë lista e kandidatëve. Nëse nuk janë me emra se mund të jetë e vështirë do kenë numër. Për shembull Damian Gjiknuri ka numrin 2. Individi zgjedh partinë, nëse do të zgjedhë një nga kandidatët, do i vërë kryqin një kandidati. Nëse një kandidat ka marrë numër votash më shumë se mesatarja për një mandat në një parti, përshembull në Tiranë nëse një parti ka marrë 18 mandate, numri total i votave që ka marrë partia pjesëtuar për 18 por jo më shumë se 10 mijë, në rastin e Tiranës mund të qëllojnë 9 mijë, nëse ka marrë 9001 vota ai automatikisht hyn dhe zëvendëson atë që ka marrë më pak vota në listën fituese./Fjala.al/Ke.Ba
