Foshnjat që ushqehen me biberon plastik po dëmtojnë organizmin e tyre duke gëlltitur miliona grimca mikroplastike në ditë.
Shkencëtarët kanë zbuluar se procesi i rekomanduar me temperaturë të lartë për sterilizimin e shisheve plastike dhe përgatitjen e qumështit të formulës bëri që shishet të lëshonin miliona mikroplastikë dhe triliona nanoplastikë.
Shishet e testuara përbëjnë 82% të tregut botëror, me shishet e qelqit që janë alternativa kryesore. Mikroplastikat në mjedis ishin të njohur tashmë që ndotin ushqimin dhe pijet njerëzore, por studimi tregon se përgatitja e ushqimit në enë plastike mund të çojë në ekspozim mijëra herë më të lartë.
Ndikimet në shëndet janë të panjohura dhe shkencëtarët thonë se ekziston një “nevojë urgjente” për të vlerësuar çështjen, veçanërisht për foshnjat. Ekipi gjithashtu ka prodhuar udhëzime për sterilizimin për të zvogëluar ekspozimin mikroplastik.
“Ishim absolutisht të tronditur për numrin e mikroplastikave të prodhuara nga shishet e foshnjës”, u shpreh Profesor John Boland, në Trinity College Dublin
Ndërkohë, një studim i vitit të kaluar nga Organizata Botërore e Shëndetësisë vlerësoi se të rriturit konsumonin midis 300 dhe 600 mikroplastikë në ditë.
Pa.Va/Fjala.al
