Gjashtë muaj para zgjedhjeve të 25 prillit partitë kryesore shqiptare kanë nisur nga sondimet dhe llogaritë e shifrave. Parashikimet janë të shumta dhe kontradiktore por pothuajse të dyja palët janë të bindur se do të fitojnë. Damian Gjiknuri cilësohet si një nga eksponentët më të mirë të zgjedhjeve. Cili është parashikimi i tij? Gjatë emisionit HARD TALK NGA ROLAND QAFOKLU deputeti i PS dhe bashkëkryetari i Këshillit Politik të Reformës Zgjedhore, Damian Gjiknuri ka deklaruar:
-Ju i hoqët koalicionet. Mund të bëni koalicion me LSI-në?
-E para, ka dhe koalicione parazgjedhore. Ligji i lejon. Koalicionet pas zgjedhore janë çështje se si do dalin votat dhe çfarë do thotë vullneti i popullit.
-Ekziston mundësia që ju të jeni në koalicion me LSI?
-Nuk dua të flas para kohe se me kë do bëjmë koalicion nëse nuk marrim 71 mandate por unë mendoj se PS do i marrë 71 mandate. Minimalisht 71 do i marrim./Fjala.al/Ke.Ba
