Dy milionë euro janë marrë ilegalisht nga thesari shtetëror i Kosovës.
Burime nga policia kosovare thanë se lidhur me rastin është arrestuar një i dyshuar, ndërkaq dy të tjerë janë shpallur në kërkim.
Mësohet se është kërkuar bllokimi i llogarive, pasi dyshohet se një pjesë e parave janë transferuar jashtë vendit.
“Me 20.10.2020 23:35 pas hetimeve të zhvilluara është arritur të arrestohet një i dyshuar m/k dhe dy të tjerë gjenden në arrati. Të dyshuarit dyshohet se duke keqpërdorur detyrën zyrtare duke përdorur thesarin shtetëror të Republikës së Kosovës kanë transferuar para në vlerë 2.077.995.90 milion euro. Janë bërë bastisje të shtëpive të dyshuarve, nuk është gjetur asgjë vetëm është konfiskuar një veturë pronë e njërit nga të dyshuarit. Me urdhër të prokurorit i dyshuari është dërguar në mbajtje”, thuhet në njoftim informon koha.net
Gjithashtu sot është thirrur konferencë për media nga Ministria e Financave e cila do të mbahet nga ora 15:45.
