Prefekti i qarkut të Gjirokastrës, Astrit Aliaj të mëkurën është liruar nga detyra. Vendimi është marrë në mbledhjen e mbajtur në mesditë në Këshillin e Ministrave.
Odise Kote është emëruar në vendin e tij. Ky i fundit më parë ka drejtuar Agjencinë Rajonale të Sigurimeve Shoqërore në Gjirokastër.
“Lirimin dhe emërimin në detyrë të prefektit të qarkut të Gjirokastrës.
Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave
V E N D O S I:
- Z. Astrit Aliaj, prefekt i Qarkut të Gjirokastrës, lirohet nga kjo detyrë.
- Z. Odise Kote emërohet prefekt i Qarkut të Gjirokastrës.
Ky vendim hyn në fuqi menjëherë dhe botohet në “Fletoren zyrtare”.”, shkruhet në vendim.
Ndërkohë, ditën e sotme u vendos dhe lirimi nga detyra i zv. Ministres së Financave, Belinda Ikonomi.
Pa.Va/Fjala.al
