Sekretari organizativ dhe koordinimit elektoral Arben Pëllumbi bën bilancin e qeverisjes në 8 vjet të PS. Gjatë emisionit HARD TALK NGA ROLAND QAFOKU Pëllumbi deklaroi:
-Si është bilanci i PS në 8 vite qeverisje?
-Ç’është e vërteta ne betejën më të madhe e kemi me ju, jo me elektoratin. Po të më pyesnit se pse do ta votonin PS sot pavarësisht fashave dhe interesave të ndryshme që kanë unë do iu thoja që biznesi i vogël e voton PS se i kemi bërë taksat zero. Një çift i ri do ta votojë PS sepse kemi vendosur 400 mijë lekë çekun e bebes. Një bujk duhet të na votojë sepse kemi bërë një reformë të tërë në sistemin e bujqësisë. Përjashtuam nga TVSH të gjithë makineritë dhe paisjet, përjashtuam plehërat, përjashtuam makineritë bujqësore, përjashtuam fidanët, dhe për këtë arsye u rritëm në eksportet bujqësore. Për të mbërritur tek ajo që është më e rëndësishme, reforma në drejtësi. Ka qenë një nga reformat më të vështira të mundshme, shtete më të fuqishme se ne nuk kanë arritur dot ta bëjnë, ka qenë një reformë e dhimbshme, sepse kemi vuajtur edhe disa gjëra që nuk i prisnim siç mund të ishte mungesa e Gjykatës Kushtetuese./Fjala.al/Ke.Ba
