Ish-presidenti amerikan, Barack Obama është shfaqur për herë të parë në fushatën elektorale të demokratëve, për të mbështetur ish-krahun e tij të djathtë, Joe Biden.
Obama, ende një nga personazhet kryesore të Partisë Demokratike në SHBA dhe një shënjestër e vazhdueshme e presidentit Trump gjatë këtyre viteve dhe në këto ditë fushatë, nisi takimet me politikanët me ngjyrë në Filadelfia, përpara se të zhvillonte më pas takime në rrugë me qytetarë, të cilëve u kërkoi votën për Joe Biden.
“Kurrë nuk e humba shpresën këto 4 vitet e fundit. Kam qenë i mërzitur, i nevrikosur, kam qenë i frustruar, por kurrë nuk e humba shpresën”, u shpreh Obama.
Ndërkohë, numri i amerikanëve që kanë votuar tashmë, për presidentin e ri amerikan, përmes postës apo në qendrat e votimit, i ka tejkaluar 42 milionë.
Ditët e fundit të fushatës, të dy rivalët Trump e Biden do të zbarkojnë në ato që konsiderohen si fushëbeteja, Karolina e Veriut, Pensilvania, Winsconsin, Ohio dhe Miçigan./Bl.Ba/Fjala.al
