Prokurori i Apelit Dritan Peka shkarkohet nga detyra. Në seancën e sotme, pas verifikimeve të kryera KPA vendosi që ta shkarkojë nga detyra. Peka ishte drejtues në Prokurorinë e Apelit shkalla e parë në Tiranë.
Kujtojmë se Komisioni i Pavarur i Kualifikimit, e kishte konfirmuar në shkallën e parë, por Komisioneri Publik ankimoi vendimin me argumentin se Peka nuk i plotësonte kushtet për konfirmimin në detyrë dhe kërkoi shkarkimin e tij.
Nuk kanë qenë të paktat rastet kur KPA ka hedhur poshtë vendimet e KPK-së duke nxjerrë nga sistemi i drejtësisë prokurorë dhe gjyqtarë.
la.mi/Fjala.al
