Deputetja Rudina Hajdari ka bllokuar për disa minuta foltoren e Kuvendit. Teksa po fliste për inceneratorët, deputetja akuzoi kryeministrin Edi Rama që u ka dhënë lekët e shtetit, dy personazheve anonimë, të cilët, sipas saj i ka bërë të pasur.
Ajo u shpreh se ndërtimi i inceneratorëve, nisi që në kohën e Sali Berishës, në vitin 2011, me Fatos Nanon dhe biznesmenin italian Becchettin.
Sipas Hajdarit, ndërtimi i inceneratorëve që në atë kohë u kundërshtua nga kryeministri aktual Edi Rama, këtë herë mbështetet.
Në këtë moment, nënkryetarja Vasilika Hysi ia ndërpreu fjalën Hajdarit dhe i mbylli mikrofonin. Hysi shtoi se kjo pjesë nuk ishte në rendin e ditës dhe se nuk mund të vijonte.
Pjesë nga debati:
Rudina Hajdari: Menaxhimin e plehrave e quani menaxhimin e plehrave se ju pëlqen si deabt, ka qenë Fatos Nano që bashkë me një Becchettin, një biznesmen italian shkuar të ndërtojnë një incinerator, dhe e bëri në atë mënyrë që kryetari i bashkisë në atë kohë e bëri kundër. Zoti Rama ka qenë kundër, ai shprehej se inceneratori do ta dëmtonte vendin dhe se importi i plehrave nga Italia, do ta dëmtonte Shqipërinë. Ishin pot ë njëjtët që e kundërshtonin me zell të madh ndërtimin e inceneratorëve në Shqipëri. Kjo panoramë ndryshoi shumë shpejt, në vitin 2011, kur Berisha ishte kryeministër…
Vasilika Hysi: Nuk është pjesë e rendit të ditës…
Rudina Hajdari: Më lër se kam shumë për të folur
Vasilika Hysi: Po vijove me mungesë etike do të të çoj në komsion etike….Mua gishtin mos ma trego se je grua e je nënë, je zonjë…kjo nuk ishte pjesë e rendit të ditës. Respetko pozicionin e kryetares…
Rudina Hajdari nuk largohet nga foltorja: Nuk më le të mbaroj fjalën…
Vasilika Hysi: Të ka mbaruar minutazhi…kërkuar procedurën, po flisnit për çështje jashtë rendit të ditës dhe në bazë të rregullores, unë kam të drejtë të të ndërpres fjalën…/Bl.Ba/Fjala.al
