Gjykata e Lartë e Polonisë ka miratuar ligjin që ndalon kryerjen e abortit edhe në rast se zbulohen defekte te fetusi.
Polakët kanë një ndër ligjet më të ashpëra të abortit në Europë.
Deri më tani femrat polake mund të ndërprisnin shtatzëninë, vetëm në rast se vërtetohej se fetusi nuk kishte asnjë mundësi për të jetuar.
Ndërkohë, një pjesë tjetër e tyre, zgjidhnin ta kryenin fshehurazi apo të largoheshin drejt një vendi tjetër.
Një vendim i tillë erdhi nga forcat politike të djathta dhe konservatore, të cilat argumentuan se ndërprerja e shtatëzënësisë për shkak të defekteve të fetusit, arsyeja më e zakonshme ligjore për abort, është antikushtetuese dhe duhet kërkuar mbrojtja e jetës së çdo individi.
Mësohet se jashtë mjediseve të gjykatës, grupet e aktivistëve pro abortit, protestuan masivisht, ndërsa po monitoroheshin nga autoritetet policore.
Si përgjigje ndaj vendimit, Komisionerja e Këshillit të Europës për të Drejtat e Njeriut, Dunja Mijatovic shkroi në Tëitter se ishte një ditë e trishtë për të drejtat e grave.
”Vendimi i sotëm i Gjykatës së Lartë nënkupton aborte të fshehta ose jashtë vendit për ato që mund ta përballojnë, si dhe një sprovë edhe më të madhe për të gjithë të tjerët”, tha ajo./Re.D/Fjala.al
