Kreu i Urgjencës Kombëtare Skënder Brataj u shpreh se duhen deri në 3-4 javë që mbajtja e maskave të japë efektin e saj.
Brataj ka folur në emisionin Repolitix për rritjen e rasteve ditore dhe rregullin e ri, veçanërisht për rëndësinë e maskës, duke thënë se spërklat kanë rreth 70-100 viruse.
“Që të japi efektin maska duhet të paktën 3 ose 4 javë. Për këtë mund ti referohemi Kosovës që pati një rritje dhe maksa i uli numrat. Janë bërë studime për të parë sasinë e spërklave që ne nxjerrim dhe sasivnë e virusit që nxjerrim. Janë bërë studime për të parë sasinë e spërklave dhe të virusit që mbajnë.
Nëpërmjet ajrit nuk kishte një studim që të thoshim përhapet dhe në çfarë mase. Dihet që viruset përhapen në ajër smund ta përjashtosh domethene këtë. Fakti që gjatë një bisede të lirë një person i infektuar mund të nxjerrë 600 deri në 1000 spërkla në 1 minutë ato mund të shkojnë deri në 1 metër distancë. Spërklat kanë 70-100 viruse. Më problem është kolla dhe teshtitja.
Maksa me filtër është për mikrobe dhe pluhura. Maska profesionale deri në 99% të mbron. Virusi kalon përmes spërklave. Jemi në mes të rrebeshit. Mjafton edhe një shall ta vësh para fytyrës të mbron, ndoshta jo si maska por të mbron”, theksoi Brataj.
Ndërkohë në vendin tonë vijojnë shifrat e larta ku ditën e sotme janë shënuar 6 viktima dhe 311 raste të reja.
Pa.Va/Fjala.al
