Një aksident i rëndë ka ndodhur në aksin rrugor Korçë-Bilisht. Dy automjete janë përplasur me njëra-tjetrën dhe për pasojë një person është plagosur rëndë.
Ngjarja ka ndodhur mesditën e kësaj të mërkure në afërsi të fshatit Belorta. Ende nuk ka asnjë informacion për personin e plagosur, por bëhet me dije se gjendja e tij shëndetësore është e rëndë. Ai është dërguar me urgjencë në spitalin e Korçës ku dhe do të marrë ndihmën e nevojshme.
Në vendngjarje ndodhet policia e cila po punon për zbardhjen e plotë të ngjarjes dhe shkaqet e aksidentit./Re.Gu/Fjala.al
