Mes 305 gjykatësve dhe prokurorëve të vettuar një pjesë e tyre kanë ngjallur habi se si nuk e kanë kaluar këtë proces. Madje në media janë përmendur edhe emra konkretë se si gjykatës dhe prokurorë të vlerësuar për integritet dhe ndershmëri të mos kenë kaluar procesin e vettingut. Por a ka ndonjë keqardhje ministrja Etilda Gjonaj? Në emisionin HARD TALK NGA ROLAND QAFOKU, Gjonaj u përgjigj:
-A keni keqardhje për ndonjë prokuror apo gjyqtar që nuk e ka kaluar vettingun dhe jeni habitur se si mund të mos e ketë kaluar?
-Unë si ministër Drejtësie nuk kam të drejtë të ndiej keqardhje për sa kohë them që një proces i tillë duhet të garantojë në rradhë të parë transparencën dhe e dyta standartin në respektim të Kushtetutës dhe ligjit. Dhe nëse këto standarte respektohen nga të gjitha institucionet e vettingut për të gjitha subjektet, atëherë ky është një proces i cili do duhet të ketë edhe pjesën pozitive dhe pjesën negative. Dhe për këtë arsye janë dy shkallë të institucionit të vettingut, që nëse një shkallë bën një gabim, shkalla tjetër nuk lejon që ky gabim të vijojë./Fjala.al/Ke.Ba
