Konsumatorët e duhanit janë përballur me rritjen e çmimit të paketave të cigareve.
Pavarësisht se paketa fiskale e 2020 nuk pati rritje të taksave, por siç u deklarua edhe nga Ministrja e Financave Anila Denaj, “Ky projektligj është një vazhdim i paketës së vjetër me fokus administrimin”, kalendari i akcizës 2017-të parashikonte një rritje të akcizës me 5 lekë të cigareve.
Këtë e kanë sqaruar edhe shitësit me shumicë të paketave, të cilët kanë përllogaritur TVSH-në mbi rritjen 5 lekë, e cila ka rritur çmimin fundor të një pakete me 10 lekë.
Kujtojmë se cigaret janë një produkt me taksa të parapaguara dhe me çmim fiks.
Në kioskat e kryeqytetit një Malboro me 10 cigare, shitet me një çmim prej 200 lekësh.
Çmimi fiks i shtijes nga distributori i Malboros është 170 lekë.
Arsyeja se pse lejohet një rritje e tillë e çmimit nga organet tatimore, nuk dihet.
Edhe pse pyetja se “kush po i grabit shqiptarët” ka mbetur ende pa përgjigje.
Të gjitha qeveritë e kanë argumentuar rritjen e akcizës për cigaret si një politikë për të ulur konsumin, pasi sjell pasoja të rënda në shëndetin e njerëzve.
