Një nga lokalet më të njohur të Berlinit i ka ndaluar hyrjen kancelares gjermane Angela Merkel, ministrit të Financave, Olaf Scholz si dhe politikanëve të tjerë kryesorë për shkak të mbylljes së të gjitha bareve dhe restoranteve.
Dy pronarët e lokalit, Jorn Peter Brinkmann dhe Jann Philipp Bubinger, e bënë të ditur këtë vendim përmes një videoje në Facebook. Përveç se bënë të ditur lajmin, dy pronarët u bënë thirrje dhe kolegëve të tyre që të bëjnë të njëjtën gjë.
“Disa nga këta politikanë kanë vendosur të mbyllin përsëri restorantet dhe të na ndalojnë të punojmë. Ne po i rendisim në listën e zezë menjëherë. Ne nuk do të jemi të lumtur t’i shërbejmë kancelares Angela Merkel, Ministrit të Financave Olaf Scholz, kryeministrit bavarez, Markus Soder, Kryetarit të Berlinit, Michael Müuler”, u shprehën ata, duke ftuar kolegët e tjerë t’iu bashkohen lëvizjes së tyre./r.g/Fjala.al
