Presidenti Ilir Meta ka reaguar në lidhje me postimin e disa minutave më parë të Kryeministrit Rama në twitter.
Me anë të një postimi në rrjetet sociale, Meta ka vijuar replikën me Ramën, duke theksuar se duhen rritur testimet pasi qytetarët e infektuar po shtohen çdo ditë ndërkohë që ka vijuar akuzat ndaj qeverisë.
“Qytetarët e infektuar po shtohen çdo ditë!
Jetët e humbura po shtohen çdo ditë!
Shto testimet!
Rimburso pacientët të cilët mjekohen në shtëpi, familjet në nevojë dhe pensionistët e infektuar me COVID-19!
Rrit buxhetin për sistemin shëndetësor! Shto spitalet COVID!
A e di ti sa paguan sot çdo shqiptar për mjekim dhe ilaçe për t’i shpëtuar COVID-19?
A nuk ishe ti që ju premtove shëndetësinë falas?
Mjaft me koncensione dhe PPP korruptive! Mjaft me tendera sekrete për oligarkët!”, shkruan Meta.
l.m/Fjala.al
