Mediat shqiptare kanë aluduar për rikthimin në atdhe të këngëtares Bleona Qerreti. Aludimet kanë ardhur pas përfshirjes së saj në fushatën e presidentit në detyrë të SHBA-ve Donald Trump.
Sipas mediave, Bleona Qereti do të kthehej në Tiranë për të hyrë në politikë dhe për t’u bërë ministre, por kjo është mohuar mbrëmjen e sotme nga këngëtarja.
Ajo tha në Ora News se do të vazhdojë të qëndrojë në SHBA dhe se nuk ka aspirata politike.
“Unë nuk kam aspirata politike. Shumë njerëz kanë aluduar meqë janë zgjedhjet, do të kthehem në Shqipëri për 6 muaj që të bëhem ministre. Dihet tashmë që unë çohem shumë vonë nga gjumi dhe nuk mund të kem një punë 9 me 5.
Vazhdoj t’i qëndroj pas faktit se administrata Trump ka bërë një punë të mrekullueshme dhe mesazhi im ka qenë për shqiptarët që jetojnë në SHBA. Unë jam shumë krenare që komuniteti shqiptar është integruar në SHBA”, theksoi Bleona.
