Moderatorja e njohur shqiptare, Fjoralba Ponari ka rezervuar shumë surpriza për fansat e saj.
Duket se përveç moderimit dhe muzikës, ajo do të merret edhe me aktrim.
Përmes një postimi në Instagram, së fundmi ajo ka treguar se do të jetë pjesë e një projekti ndërkombëtar, saktësisht një filmi të Netflix, ku do ta ketë një rol të vogël.
“Bëhet fjalë për një projekt ndërkombëtar (sigurisht rol i vogël) por që uroj që pandemia të mos na i presë ëndrrat në mes!”, ka shkruar Fjoralba.
Përsa i përket muzikës, aktualisht Fjoralba është nën menaxhimin e Mc Kreshës, teksa në verë zbuloi se do të sjellë një bashkëpunim me Lyrical Son.
Pak kohë më parë, ajo ka treguar se me Mc Kreshën ka më shumë se një bashkëpunim, si edhe ka disa emra të mëdhenj që do jenë pjesë e albumit. Për publikimin e tij ajo ka thënë se nuk mund të arrihet brenda vitit 2020.
Kujtojmë që bukuroshja është në profesion stomatologe, të cilin e ka trashëguar nga babai i saj./Bl.Ba/Fjala.al
