Një grua që pretendon se ka “gojën më të madhe në botë” ka shpjeguar në rrjetin social TikTok se si tipari i fytyrës e ka ndihmuar të fitojë afërsisht 15,000 dollarë për çdo video që publikon.
Samantha Ramsdell, 30-vjeçe fitoi gati 740,000 ndjekës gjatë bllokimit të koronavirusit, raporton “The Sun”. Edhe pse fillimisht ishte e shqetësuar se Covid do të shkatërronte karrierën e saj në komedi, tani ajo fiton shumë më shumë famë dhe para në Tik Tok.
Aktorja e humorit shpjegoi se Tik Tok e paguan atë rreth 15,000 dollarë për çdo video që poston. Fillimisht ajo filloi të bënte video duke kënduar dhe aktruar për të rritur besimin e saj dhe për të treguar aftësitë në internet, por shpejt kuptoi se goja ishte elementi kryesor që tërhiqte.
“Kam humbur mbi 50 kile dy vjet më parë dhe rifitova besimin tim. Fillova të bëja video me fytyra qesharake gjatë izolimit, por sa herë që fokusin e vija tek goja, videot bëheshin virale. Në fillim ndjeja pasiguri për shkak të madhësisë së gojës, por ajo është pjesë e imja dhe tashmë e lë që të ndriçojë në çdo video timen dhe kudo,”- u shpreh ajo.
https://www.instagram.com/p/CHY1XdHjfOy/
Goja e saj është 8.89 cm e gjatë dhe 10.16 cm e gjerë, duke e bërë pretendente për në librin “Guinness”./r.g/Fjala.al
