Ministria e Shëndetësisë dhe e Mbrojtjes Sociale u ka bërë thirrje qytetarëve që të tregojnë kujdes në këtë situatë pandemie.
Përmes një postimi në rrjetin social Facebook, Ministria kërkon respektimin e distancimin social, masat e higjienës dhe vendosjen e maskave mbrojtëse në çdo ambient jashtë banesës.
Ndër të tjera në apelin e tij kërkon dezinfektimin e objekteve që prekim dhe duhet të shmangim shtrëngimin e duarve.
“Parandaloni përhapjen e COVID-19. Respektoni distancimin social, masat e higjienës dhe vendosjen e maskave mbrojtëse në çdo ambient jashtë banesës.
Dezinfektoni objektet që prekni dhe shmangni shtrëngimin e duarve. Mbroni shëndetin dhe mos e ulni asnjë moment vigjilencën për zbatimin e rregullave me qëllim frenimin e përhapjes së infeksionit”, apelon Ministria./Bl.Ba/Fjala.al
