Deputeti i opozitës së re, Andi Përmeti është infektuar nga koronavirusi. Mësohet se prej disa ditësh deputeti i Kuvendit të Shqipërisë është dërguar në Turqi për kurime më të specializuara.
Mësohet se Përmeti ka patur probleme serioze me frymëmarrjen gjatë qëndrimit në Spitalin “Shefqet Ndroqi” dhe për këtë arsye ai është dërguar në Turqi.
Bëhet me dije se deputeti Andi Përmeti është në gjendje të rënduar shëndetësore dhe po kurohet në repartin e terapisë intensive në spitalin turk.
Ndërkohë që këtë e ka konfirmuar edhe nga foltorja e Kuvendit, deputetja Rudina Hajdari, e cila i ka uruar shërim të shpejtë kolegut, që sipas saj po kalon një periudhë të vështirë.
“Më lejoni ti uroj kolegut tonë Përmeti shërim të shpejtë. Po kalon një periudhë të vështirë. I uroj shërim të shpejtë dhe mezi presim ta kemi në këtë sallë”, u shpreh Hajdari./Bl.Ba/Fjala.al
