Shtëpitë dhe apartamentet e vogla në Japoni nuk i ndalojnë çiftet japoneze të flenë në shtretër apo dhoma të ndryshme. Ata përshtaten në to, pasi gjumi është i shenjtë për japonezët. Por cilat mund të jenë disa arsye përse ata vendosin të flenë në dhoma apo shtretër të ndarë. Më poshtë po ju rendisim disa arsye.
Ata kanë orare të ndryshme gjumi
Gjëja e parë që i bën çiftet japoneze të vendosin të flenë në shtrat veç e veç janë oraret e ndryshme të punës. Nëse e zgjoni partnerin kur vini vonë nga puna ose kur ngriheni herët në mëngjes, sipas tyre rezulton në një pushim jo cilësor. Kjo është arsyeja pse kalimi i natës në një dhomë tjetër ka kuptim. Do t’u japë atyre një gjumë të patrazuar dhe të shëndetshëm.
Fëmijët flenë me nënat e tyre
Nënat japoneze flenë me fëmijët e tyre dhe kjo konsiderohet shumë e rëndësishme, kështu që babai duhet të vendosë nëse dëshiron të ndajë të njëjtin shtrat ose të shkojë në një dhomë tjetër. Edhe shkenca ka provuar se kjo mund të ndihmojë prindërit dhe fëmijët të bëjnë një gjumë më të qetë. Ndihmon foshnjën të mbajë një temperaturë të qëndrueshme dhe rrahje zemre normale. Sipas japonezëve, kjo kontribuon që fëmija të ketë vetëvlerësim më të mirë, të bëhet i pavarur më shpejt dhe të dalë mirë në shkollë.
Për ta, të fjeturit të ndarë do të thotë paqe
Ndërsa shumë çifte që fillojnë të flenë vetëm mendojnë se divorci është në derën e tyre, japonezët e shohin atë ndryshe. Ata e vlerësojnë shumë gjumin e tyre dhe nuk duan të shqetësohen gjatë tij. Kjo do të thotë që ata nuk e shohin aspak si një problem, por si në mënyrë për të pasur një marrëdhënie më të shëndetshme.
