Ministrja e Shëndetësisë dhe Mbrojtjes Sociale Ogerta Manastirliu, ka bërë të ditur përmes një postimi në Facebook, se 28,813 të porsalindur kanë përfituar nga Bonusi i Bebes nga muaji janar i vitit 2020.
“Nuk e kemi ndalur për asnjë moment mbështetjen për familjet e reja që gëzohen me fëmijë, edhe në këtë vit të vështirë. Nga Janari, 28,813 të porsalindur kanë përfituar bonusin e bebes”, thotë Manastirliu.
Më tej ministrja e shëndetësisë shkruan se me buxhetin e vitit 2021 do të vijojë mbështetja për familjet e reja.
“Siç jemi zotuar, me buxhetin e ri 2021 mbështesim me 2 miliardë lekë familjet e reja: 40,000 lekë për fëmijën e parë; 80,000 lekë për fëmijën e dytë; 120,000 lekë për fëmijën e tretë”, shton Manastirliu./Bl.Ba/Fjala.al
