Elbasan/ Balla takim me bizneset e vogla: Është çliruar plotësisht nga tatim-fitimi dhe TVSH-ja

113 563 lexime

106,048FansaPëlqeje

Nisma fiskale që hyn në fuqi më 1 Janar 2021 për zerimin e tatim fitimit për bizneset deri në 14 milion lekë, dhe e TVSH për çdo biznes deri në 10 milion lekë, është një çlirim për sipërmarrjen.

Kryetari i Grupit Parlamentar të Partisë Socialiste Taulant Balla i shoqëruar nga kryetari i Bashkisë Elbasan, Gledian Llatja zhvilloi disa takime me bizneset e vogla të rrugëve tregtare të Elbasanit.

Sipas Ballës, biznesi i vogël në vend është çliruar plotësisht nga tatim-fitimi dhe TVSH-ja, duke i dhënë një frymëmarrje të re aktivitetit të tyre të përditshëm.

Edhe pse ishte një vit mjaft i vështirë, jo vetëm për biznesin dhe të punësuarit, për gjithë Shqipërinë, kemi arritur përmes masave lehtësuese të zbusim efektet e kësaj krize, që ka mbërthyer gjithë globin”, tha Balla.

Për përfaqësuesit e bizneseve, një ndihmesë e madhe ishte paga e luftës për të cilën falenderuan qeverinë, por edhe Bashkinë e Elbasanit, e cila gjithashtu fali disa taksa dhe uli disa të tjera për t’u ardhur në ndihmë këtë periudhë.

Në kushtet kur numri i të prekurve rritet çdo ditë, numri dy i PS, Balla kërkoi një rritje të ndërgjegjësimit për ruajtjen e masave mbrojtëse, pasi askush nuk do të donte një mbyllje të dytë, e cila do të sillte dëme kolosale.

Këto takime me biznesin synojnë gjithashtu informimin me ndryshimet e fundit ligjore të cilat hyjnë në fuqi nga 1 Janari i vitit 2021. Sa më sipër: Subjektet me të ardhura 0-8 milionë lekë paguajnë 0% TVSH; subjektet me të ardhura 0-14 milionë lekë, 0% tatim fitim. Bizneset vlerësuan këtë masë lehtësuese e cila do të ndihmojë, jo vetëm administratorët e bizneseve, por do të ndikojë në rritjen e pagave të punonjësve./Bl.Ba/Fjala.al

Të fundit

Përmbyset anija nga moti i keq, humbin jetën 6 persona dhe zhduken disa të tjerë

Gjashtë persona ndërruan jetë dhe 12 të tjerë janë zhdukur pasi një anije tregtare u përmbys disa milje në...

Gjendet i vdekur një 54-vjeçar në Tiranë

Një 54-vjeçar është gjetur i pajetë në rrugë, pasi është përplasur nga një automjet. Ngjarja e rëndë ka ndodhur dje në rrugën Tiranë-Ndroq, në...

Ngjarja në Mamurras/ Sherri ndodhi pasi policët tentuan të kontrollojnë një lokal

Shërbimi për Çështjet e Brendshme dhe Ankesat ka dhënë detaje për ngjarjen e ndodhur një ditë më parë në Mamurras, ku mbetën të plagosur...

Bllokimi i kanalit të Suezit, Egjipti kërkon dëmshpërblimin marramendës

Egjipti po kërkon 900 milionë dollarë dëmshpërblim pas bllokimit të Kanalit të Suezit në fund të muajit mars dhe anija kontejner që e shkaktoi...

Plagosi 2 kolegët dhe një qytetar, arrestohet oficeri i patrullës në Mamurras

Vihet në pranga autori i plagosjes së dy efektivëve të policisë një ditë më parë në Mamurras. Sipas ‘abcnews’, policia ka arrestuar David Madani...

Lajme të tjera

Web TV