Një sherr me kaçavida, ka agravuar në të shtëna me armë zjarri në afërsi të stadiumit në Elbasan, në mes të ditës, në një rrugë të mbushur me njerëz.
Ka qenë Ervis Çaushllari ai që ka qëlluar në drejtim të një makine tip “Mazda” e cila ishte në ecje dhe më pas ai është larguar me shpejtësi në drejtim të paditur.
Të shtënat me armë kanë ardhur, si pasojë e një konflikti të çastit mes drejtuesit të automjetit Mazda, dhe Çaushllarit. Fillimisht mësohet se ka qenë shoferi ai që e ka qëlluar me një kaçavidë dhe në përleshje e sipër Ervis Çaushllari, ka nxjerë armën dhe e ka qëlluar të paktën 5 herë.
Deri në këto momente mesohet se Çaushllari është larguar dhe ende nuk është ndaluar nga policia e Elbasanit.
Blutë bëjnë me dije se ngjarja ndodhi në lagjen “Emin Matraxhiu”. Çausholli, i njohur ndryshe edhe si “korçari” është një emër mjaft i njohur për policinë në Elbasan, pasi rezulton të jetë i përfshirë në disa ngjarje të tjera kriminale në qytet.
Mësohet se nga dy makina është qëlluar drejt një makine në lëvizje, ku ka qenë dhe objektivi i atentatit.
Policia ka shoqëruar disa dëshmitarë okularë të atentatit të dështuar në zonën e stadiumit në Elbasan. Ata ndodheshin në skenën e ngjarjes kur ndodhën të shtënat me breshëri në drejtim të makinës tip “Mazda”.
Çausholli u padit në shkurt të këtij viti nga një qytetar për dhunë, pasi e ndaloi me makinë duke tentuar ta nxjerrë prej saj, ndërkohë që e goditi edhe me grushte.
Ngjarja ndodhi në mes të qytetit të Elbasanit dhe u kap nga disa kamera sigurie. Më pas, personi i dhunuar shkoi në polici për të bërë denoncimin.
Pas denoncimit, ai deklaroi për mediat se ishte kërcënuar nga një tjetër person, i afërt i Çaushollit për të tërhequr atë ç’ka kishte thënë para oficerëve të Policisë Gjyqësore./Bl.Ba/Fjala.al
