Kreu i PD Lulzim Basha ka bërë një paralajmërim të fortë, duke u shprehur se nga nesër qytetarët shqiptarë do të shikojnë aferat e tmerrshme që janë bërë me sebepin e tërmetit.
Sipas tij, në qytetin e Durrësit po grabiten troje që janë dizenjuar fillimisht për shkolla, porn ë atë territory po ndërtohen palate, por edhe po shemben pallate që mund të rindërtohen po aty ku janë.
“Duke filluar nga nesër dhe javën e ardhshme, ka afera të tmerrshme këtu. Ka grabitje me sebepin e tërmetit. Në Durrës ka grabitje të trojeve nga qeveria me mafien e ndërtimit. Ka troje të cilat janë dizenjuar për shkolla dhe po grabiten për t’u bërë pallate. Ka palate që mund të rindërtohen por do të prishen për t’u rrëmbyer pronën banorëve”, tha Basha në Syri Tv.
l.m/Fjala.al
